ԸՆԿԵՐՈՒԹՅԱՆ ՄԱՍԻՆ ՏԵՂԵԿԱՏՎՈՒԹՅՈՒՆ

“Լոնդոն-Երևան Կօ” Ապահովագրական ՍՊ Ընկերությունը հիմնադրվել և գրանցվել է Հայաստանում 1998թ.: Ապահովագրական գործունեություն Ընկերությունն իրականացնում է 2000թ. փետրվարից:

Ընկերությունը, համաձայն “Ոչ Կյանքի” ապահովագրության լիցենզիայի, իրականացնում է “Ոչ Կյանքի” ապահովագրություն հետևյալ դասերով`

1. Դժբախտ պատահարներից ապահովագրություն,
2. Առողջության ապահովագրություն,
3. Ցամաքային տրանսպորտի ապահովագրություն,
4. Փոխադրվող գույքի (բեռների) ապահովագրություն,
5. Հրդեհից և բնական աղետներից ապահովագրություն,
6. Գույքին հասցված այլ վնասներից ապահովագրություն,
7. Ցամաքային ավտոտրանսպորտային միջոցների (նաև` բեռնափոխադրող) օգտագործումից բխող պատասխանատվության ապահովագրություն,
8. Ընդհանուր պատասխանատվության ապահովագրություն,
9. Ֆինանսական վնասների ապահովագրություն,
10. Աջակցության ապահովագրություն:

Ընկերության կանոնադրական կապիտալը կազմում է 530,5 մլն. դրամ:
Ընկերության անձնակազմը բաղկացած է 22 աշխատողներից:
Ընկերությունում գործում է կոլեգիալ ղեկավարման համակարգ:.

Իր գործունեության ընթացքում Ընկերությունն իրեն դրսևորել է որպես ապահովագրական շուկայում առավել կայուն ընկերություն`

1. 2003թ. սկսած Ընկերությունը իր հավաքագրած ապահովագրավճարների ցուցանիշով գտնվում է ՀՀ գործող ապահովագրական ընկերությունների առաջին եռյակում,
   
   
2. Ընկերության ղեկավարությունը գրեթե անփոփոխ է սկսած 2000թ.` բացառությամբ ընկերության կառուցվածքային զարգացման հետևանքով տեղի ունեցած փոփոխությունների,
   
   
3. Դրամական հոսքերի, ընկերության դեբիտորական և կրեդիտորական պարտավորությունների վերլուծությունը ցույց է տալիս վերջիններիս մշտական աճն ընկերության ակտիվների մեծացման ուղղությամբ:

Ընկերության հիմնադիր և բաժնեմասերի 100% սեփականատեր է հանդիսանում “Լոնդոնգեյթ” («Londongate») Բրիտանական խումբը, որի մեջ ներառված են 12 ընկերություններ, որոնք իրականացնում են իրենց գործունեությունը Մեծ Բրիտանիայում, Արևելյան Եվրոպայում, ԱՊՀ երկրներում և Աֆրիկայում:

Գործունեության ընթացքում ձեռք բերած համբավի շնորհիվ Լլոյդսի որոշ Անդերայթերներ և միջազգային ապահովագրական շուկայի որոշ խոշոր մասնակիցներ Ընկերությանը բացառիկ իրավունք և հնարավորություն են տվել իրենց անունից իրականացնել ռիսկերի անդերայթինգ:

Ընկերության ռազմավարությունն է եղել և այժմ էլ հանդիսանում է իր վրա վերցված բոլոր ապահովագրական պարտավորությունների վերաապահովագրությունը` պորտֆելի առավելագույն պաշտպանվածության ապահովման, Ընկերության նկատմամբ հաճախորդների վստահության և ծառայությունների գրավչության բարձրացման նպատակով:

Վերջին տարվա ընթացքում, հաշվի առնելով բարձր իրացվելի ակտիվների աճը, երկարաժամկետ կտրվածքով եկամուտն ավելացնելու նպատակով Ընկերությունը սկսել է աստիճանաբար ավելացնել պարտավորությունների սեփական պահումը: 

Ստորև բերվում է այն վերաապահովագրողների ցանկը, որոնց հետ 2007թ.-ի ընթացքում համագործակցել է ընկերությունը:

Վերաապահովագրողներ	Միջազգային վարկանշող կազմակերպության անվանումը և տրված վարկանիշը
	Standard & Poor's	A.M. Best	Fitch	Moody's
LLOYD’S	A+ Strong	A Excellent	A+ Strong	-
MUNICH RE	AA- Very strong	A+Superior	AA- Very strong	Aa3 Excellent
HANNOVER RE	AA- Very strong	A Excellent	-	-
AIG EUROPE S.A. (GEORGIAN BRANCH)	AA+ Very strong	A+ Superior	AA Very Strong	Aa2 Excellent
AIG EUROPE UK LIMITED	AA+ Very strong	A+ Superior	AA Very Strong	Aa2 Excellent
SCOR	A- Strong	A- Excellent	A- Excellent	A3 Excellent
SWISS RE	AA-Strong	A+ Superior	-	Aa2 Excellent
WURTTENBERGISCHE VERSICHERUNG AG	-	A- Excellent	A Strong	-
ACE EUROPEAN GROUP LTD	A+ Strong	A+ Superior	-	-
THE NEW INDIA ASSURANCE CO. LTD	-	A Excellent	-	-
UNITED INSURANCE COMPANY	-	A- Excellent	-	-

Ընկերության հաճախորդ են հանդիսանում արտադրության, ծառայությունների տարբեր ոլորտների և բնագավառների ներկայացուցիչներ, բանկեր, առևտրային կազմակերպություններ, սուպերմարկետների ցանցեր, որոնցից շատերն առաջատար տեղ են զբաղեցնում իրենց գործունեության համապատասխան բնագավառներում: Ընկերության ծառայություններից նաև օգտվում են ոչ կոմերցիոն, հասարակական և ոչ պետական կազմակերպություններ, դեսպանատներ, ինչպես նաև օտարերկրյա և ՀՀ քաղաքացիներ:

ԸՆԿԵՐՈՒԹՅԱՆ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ ՎԻՃԱԿԱԳՐԱԿԱՆ ՏՎՅԱԼՆԵՐ:

2007թ.-ի արդյունքներով ապահովագրավճարների հավաքագրման ծավալով ընկերությունը
ՀՀ ապահովագրական շուկայում զբաղեցրել է երկրորդ տեղը:

ԱՊԱՀՈՎԱԳՐԱԿԱՆ ՊՈՐՏՖԵԼԻ և ՎՆԱՍՆԵՐԻ ՓՈԽՀԱՏՈՒՑՈՒՄՆԵՐԻ ԿԱՌՈՒՑՎԱԾՔԸ.